يازار: مجد محمد البرازي

چئويرمن: م. رزاقي

1. رئاليسم تلفظو ارتجالي، دومانلي ايشاره‌لي بير تلفظ ساييلير.  اوروپا رئاليسمينين چئشيتلي و دگيشيك قاورام دوشونوملرين ندني سطير آراسي چئويرمه دير. رئالين كؤكو گرچكدن آلينميشدير. بو آنلاملارين بير نئچه سيني سيزلره سوناجاغيق:

الف) گرچك ادبيات، وار اولمايان نسنه‌لرين ترسينه گرچكلرين تثبيت اولماسينا دايانير. گرچك ادبيات، رومانتيك ادبياتدان آيري ساييلير.

ب) كوتله‌نين ياشامي ايله سورونلاري بو ادبياتين قونولاريني يارادير. بئله ليكله كئچميش ادبيات ايله گرچك ادبيات اورتاسيندا آيريلما گؤرونور.

ج) بير پارا اينسانلاردا گرچك ادبياتي  قونوسال ادبيات ايله بير سانما دوشونجه سي گؤرونور. اونلارا گؤره بو ادبيات بير كيشيسل چنبرله سينيرلي اولمادان گئنيش بير آلاني قاپسايير.

2. گرچكدن رئاليسم ادبياتي جانلي يارانميشلارين ياشام قاوراميني اؤزل بير فلسفه ايله دويماق ايستير. بو مذهب‌ده اؤزونه اؤزل بير گؤزلوك بولونور. تلويزيونون قارا سايفاسي فوتوگراف ماكيناسي كيمي اورتاق گؤرولري وار. رئاليسمين قارا سايفاسي دا ائله اونلارا بنزردير.  بيل، او قارا سايفا كؤتولوكدور. دئمك اولور بو كؤتو سايفا ياپيشقان و بنگو دور.

3. رئاليسمين كؤكو اسكي تاريخلره دايانماقدادير. رئاليسم آرمانگرايينين قارشيسيندا يارانان بير ادبياتدير. آرمانگراييدا موتلو و سئويملي بير ياشام بولونوردو.

4. ادبيات بيچيمي اولان گرچك چيليك 18 ايله 19 يوز ايللر آراسي اوروپادا ياراندي. فوليتر بو بيچيمه اؤز ياراتديغي حيكايه‌ده يئر وئردي. اونون آديني «ساده لوح كيشي» قويدو. بو حيكايه‌ده ساده لوح كيشي نين ساده ليگيندن باشينا گلنلريني آيدينلادير. اونلاري آجي بير گولومسه‌مه‌يه يؤنلنديرير.

5. رئاليسم ياراناندان بري گرچكلري، گيزلين سيرلري آچيخلامايا چاليشيبدير. قورخمامازليق دلي‌ليگين قارشي يؤنو، آغيرلاما دا سئومه‌نين قارشيليقي اولاراق بليرلندي. بئله سينه بيز اوستون ديرلري الده ائتمك ايچين بير چاليشما باشلانير.

6. رئاليسم ادبياتي چوغونلوغلا دوز يازيدا اوز وئردي. شئعرده ده آزاجيق بو ادبياتا يئر وئريلدي.