يؤنه‌تيم قاورامي
+0 به يه ن
يؤنه‌تيم ايله ايلگيلي چئشيتلي قاوراملار يئر آلماقدادير. آنجاق بيرچوخ قاورام اولماسينا رغمن، ان چوخ قوللانيلان تانيم[1]، باشقالاري نين آراجيليغييلا آماجا اولاشما و باشقالارينا ايش گؤردورمه فعاليتدير.
يؤنه‌تيمين آنلامي چئشيتلي بيليم داللاري[2] طرفيندن ده آچيقلانميشدير. ايقتيصادتچيلارا گؤره يؤنه‌تيم ، دوغال قايناقلار، ايش گوجو و سرمايه ايله بيرليكده اوره‌تيم[3] فاكتورودور. سوسيولوگلارا گؤره يؤنه‌تيم، صينيف و سايغينليق[4] سيستئميدير. پسيكولوژي، حقوق كيمي ديگر بيليم داللارينا گؤره، يؤنه‌تيم بللي آماجلاري ديگر كيشيلرين چاليشمالاري ايله گرچكلشتيرمكدير. بوتون بو فرقلي بيليم داللارينين يؤنه‌تيم تانيملارينين اورتاق نقطه‌سي بللي آماجلاري اينسانلارين چاليشمالاري ايله گرچكلشتيرمكدير. آنجاق يؤنه‌تيمده ساده‌جه اينسانلارين چاليشمالارييلا بليرلي آماجا اولاشما[5] (چاتماق) يوخدور. يؤنه‌تيم ده بليرلي آماجلاري گرچكلشتيرمك اوچون توم قايناقلارين دوغرو بير شكيلده اينسانلار طرفيندن قوللانيلماسيني ساغلاماق واردير. اينسانلاري دوغرو يؤنله‌نديرمك، دوغرو آراج و گرچلري (وسايط) قوللانماقدير. اؤيله‌يسه يؤنه‌تيم، بليرلي بير تاخيم آماجلارا چاتماق اوچون باشدا اينسانلار اولماق اوزه‌ره پاراسال قايناقلاري، دونانيمي (تجهيزاتي)، ده‌ميرباشلاري (نقدي موجودي)، خام مادده‌لري، يارديمجي ملزوملاري و زاماني بيربيري ايله اويوملو، وئريملي[6] و ائتكين[7] قوللانابيله‌جك قرار آلما و اويغولاتما سوره‌جلري‌نين توپلاميدير (ائرئن، 2011، س. 3). آنجاق بو اونودولماماليدير، نه اولورسا اولسون اينسان قايناغي‌نين اؤنه‌مي بؤيوكدور. اؤرگوتده اولان آراج و گره‌چلري (وسايطلري) قوللاناجاق اينسان گوجو و بو اينسان گوجونو يؤنله‌نديره‌جك يؤنه‌تيجي اولماديقدان سونرا يؤنه‌تيمدن بحث ائديلمز. يؤنه‌تيجي ايله ايلگيلي اؤن بيلگي ورمكده ده يارار واردير. يؤنه‌تيجي، آماجلاري گرچكلشديرمك اوچون اينسانين فعاليتلريند‌ن يارارلانان و اونو ائتكيسي آلتينا آلان كيمسه‌دير.
اصلينده حياتيميزين هر ساحه‌سينده يؤنه‌تيم بولونماقدادير. اوخولدا اؤيرتمنله‌رين اؤيرنجيلري يؤنلنديرمه‌له‌ري، اونلارا ليدئرليك ائتمه‌له‌ري و سوسياللاشمالاريني ساغلامالاري يؤنه‌تيمه اؤرنكدير. بئله يؤنه‌تيمده اوره‌تيم فعاليتي يوخدور آما بير آماج دوغرولتوسوندا ياپيلان فعاليتلر يئر آلير. گؤروندويو كيمي، مادي آراج و گره‌چلر اولماسا بيله بليرلي فعاليتلري ياپماق و آماجلارا اولاشماق اوچون اينسان عنصرونون بولونماسي يئترليدير.
باشقا بير تانيما گؤره پلانلاما، اؤرگوتله‌مه، يؤنلتمه[8] و ده‌نه‌تله‌مه[9] (يوخلاما) يؤنه‌تيم سوره‌جيني اولوشدورماقدادير.
[1] . definition
[2] . branches
[3] . production
[4] . möhtərəmlik
[5] . reach
[6] . productive
[7] . effective
[8] . directing
[9] . control
قايناقلار:
YÖNETİM VE ORGANİZASYON , T.C. ANADOLU ÜNİVERSİTESİ YAYINI NO: 2944, AÇIKÖĞRETİM FAKÜLTESİ YAYINI NO: 1900
بؤلوم : يؤنه‌تيم (مديريت) یازار : وئبلاقين مودورو 0 باخیش