يؤنه‌تيمين آماجي

یکشنبه 8 تیر 1393

+0 به يه ن
يؤنه‌تيمين ته‌مل آماجي، اؤرگوتسل آماجلاري گرچكلشديرمكدير. اؤرگوتسل آماجلار اوچ باشليق آلتيندا اله آلينابيلير (گئنچ، 2007، ص 25). 

1- دوزن آماجي: اؤرگوتده چاليشانلارين، اؤرگوتده ايسته‌نن سونوجلارا اولاشيلماسي اوچون گركلي داورانيشلاري گؤسترمه‌ليديلر. 

2- كولتورل آماجلار: هر اؤرگوتون اؤزونه گؤره بير كولتورو وار. بو كولتور اؤرگوت چاليشانلارينا اويغون اولمالي و اونلاري تمثيل ائتمه‌ليدير. 

3- ائكونوميك (ايقتيصادي) آماجلار: اؤرگوتون قورولما نده‌ني مالي قازانجدير. باشقا بير دئييشله، منفعت[1] گتيرمكدير. 

يوخاريدا آچيقلانان اؤرگوتسل آماجلارين ائتكين بير شكيلده گرچكلشديريلمه‌سي ده يؤنئتيم ايله الده ائديلير. آيريجا، آناليتيك، تئكنيك، بشري و قاورامسال به‌جه‌ريلر گركديرن اؤرگوتسل فعاليتلري يئرينه گتيرمكدير (گئنچ، 2007، ص 26). آناليتيك به‌جه‌ري، اؤرگوتده تاپيلان و موجود دورومو دوغرو بير شكيلده ده‌يرلنديرمه سونوجوندا قرار وئرمه‌دير. تئكنيك به‌جه‌ري، يؤنه‌تيجي ‌نين چاليشانلاريني يؤنله‌نديرمه‌سي ائشيگينده باشقا ايشلر ياپابيلمه قابيلييتيدير. بشري به‌جه‌ري ايسه، يؤنه‌تيجي نين چاليشانلارا ائشيت داوراناراق، چاليشانلارين بيربيرله‌ريله اويوملو و باريشجيل چاليشمالاريني اؤرگوتسل آماجلاري منيمسه‌مله‌ريني الده ائتمك دير. قاورامسال به‌جه‌ري ايسه، يؤنه‌تيجي نين اؤرگوتده اولان- بيتن هر شئيي بيلمه‌سي، اؤرگوتون تاماميني گؤره‌بيلمه يئته‌نكدير.

 

قايناقلار:

Genç, Nurallah (2007). Yönetim ve Organizasyon, Ankara: Seçkin Yayıncılık

YÖNETİM VE ORGANİZASYON , T.C. ANADOLU ÜNİVERSİTESİ YAYINI NO: 2944, AÇIKÖĞRETİM FAKÜLTESİ YAYINI NO: 1900

 



[1] . profit / benefit



بؤلوم : يؤنه‌تيم (مديريت) یازار : وئبلاقين مودورو 0 باخیش


 

بلاگا گؤره

    بو وئبلاقدا ساده‌جه بيليمسال (علمي) يازيلار توركجه‌ميزده گئده‌جكدير. آماجيميز ديليميزده توپلومسال بيليملري يازماقدير. يازيلاردا اصلي سؤزجوكلرين يازماسي شرطدير.


سایغاج